Bíblia online

Liber Psalmorum, 146

¹ Alleluja. Laudate Dominum, quoniam bonus est psalmus ; Deo nostro sit jucunda, decoraque laudatio.

² Ædificans Jerusalem Dominus, dispersiones Israëlis congregabit:

³ qui sanat contritos corde, et alligat contritiones eorum ;

⁴ qui numerat multitudinem stellarum, et omnibus eis nomina vocat.

⁵ Magnus Dominus noster, et magna virtus ejus, et sapientiæ ejus non est numerus.

⁶ Suscipiens mansuetos Dominus ; humilians autem peccatores usque ad terram.

⁷ Præcinite Domino in confessione ; psallite Deo nostro in cithara.

⁸ Qui operit cælum nubibus, et parat terræ pluviam ; qui producit in montibus fœnum, et herbam servituti hominum ;

⁹ qui dat jumentis escam ipsorum, et pullis corvorum invocantibus eum.

¹⁰ Non in fortitudine equi voluntatem habebit, nec in tibiis viri beneplacitum erit ei.

¹¹ Beneplacitum est Domino super timentes eum, et in eis qui sperant super misericordia ejus.

Notas:

Edição da bíblia em vulgata clementina produzida a partir de papiros, manuscritos e códices gregos antiquíssimos. Recomenda-se ler a tradução em português da vulgata pelo padre Matos Soares.

Produtos recomendados:

Compartilhe este capítulo da bíblia: