Bíblia online

Liber Psalmorum, 46

¹ In finem, pro filiis Core. Psalmus.

² Omnes gentes, plaudite manibus ; jubilate Deo in voce exsultationis:

³ quoniam Dominus excelsus, terribilis, rex magnus super omnem terram.

⁴ Subjecit populos nobis, et gentes sub pedibus nostris.

⁵ Elegit nobis hæreditatem suam ; speciem Jacob quam dilexit.

⁶ Ascendit Deus in jubilo, et Dominus in voce tubæ.

⁷ Psallite Deo nostro, psallite ; psallite regi nostro, psallite:

⁸ quoniam rex omnis terræ Deus, psallite sapienter.

⁹ Regnabit Deus super gentes ; Deus sedet super sedem sanctam suam.

¹⁰ Principes populorum congregati sunt cum Deo Abraham, quoniam dii fortes terræ vehementer elevati sunt.

Notas:

Edição da bíblia em vulgata clementina produzida a partir de papiros, manuscritos e códices gregos antiquíssimos. Recomenda-se ler a tradução em português da vulgata pelo padre Matos Soares.

Produtos recomendados:

Compartilhe este capítulo da bíblia: