Liber Psalmorum, 53
1 In finem, in carminibus. Intellectus David,
2 cum venissent Ziphæi, et dixissent ad Saul: Nonne David absconditus est apud nos?
3 Deus, in nomine tuo salvum me fac, et in virtute tua judica me.
4 Deus, exaudi orationem meam ; auribus percipe verba oris mei.
5 Quoniam alieni insurrexerunt adversum me, et fortes quæsierunt animam meam, et non proposuerunt Deum ante conspectum suum.
6 Ecce enim Deus adjuvat me, et Dominus susceptor est animæ meæ.
7 Averte mala inimicis meis ; et in veritate tua disperde illos.
8 Voluntarie sacrificabo tibi, et confitebor nomini tuo, Domine, quoniam bonum est.
9 Quoniam ex omni tribulatione eripuisti me, et super inimicos meos despexit oculus meus.
Notas:
Edição da bíblia em vulgata clementina produzida a partir de papiros, manuscritos e códices gregos antiquíssimos. Recomenda-se ler a tradução em português da vulgata pelo padre Matos Soares.
Produtos recomendados:
-
![Saia midi godê total verde floral]()
R$ 89,0059,00 -
![Escapulário de Nossa Senhora do Carmo]()
-
![Blusa manga curta bordada rosa]()
Compartilhe este capítulo da bíblia:
