Bíblia online

Liber Psalmorum, 74

¹ In finem, ne corrumpas. Psalmus cantici Asaph.

² Confitebimur tibi, Deus, confitebimur, et invocabimus nomen tuum ; narrabimus mirabilia tua.

³ Cum accepero tempus, ego justitias judicabo.

⁴ Liquefacta est terra et omnes qui habitant in ea: ego confirmavi columnas ejus.

⁵ Dixi iniquis: Nolite inique agere: et delinquentibus: Nolite exaltare cornu:

⁶ nolite extollere in altum cornu vestrum ; nolite loqui adversus Deum iniquitatem.

⁷ Quia neque ab oriente, neque ab occidente, neque a desertis montibus:

⁸ quoniam Deus judex est. Hunc humiliat, et hunc exaltat:

⁹ quia calix in manu Domini vini meri, plenus misto. Et inclinavit ex hoc in hoc ; verumtamen fæx ejus non est exinanita: bibent omnes peccatores terræ.

¹⁰ Ego autem annuntiabo in sæculum ; cantabo Deo Jacob:

¹¹ et omnia cornua peccatorum confringam, et exaltabuntur cornua justi.

Notas:

Edição da bíblia em vulgata clementina produzida a partir de papiros, manuscritos e códices gregos antiquíssimos. Recomenda-se ler a tradução em português da vulgata pelo padre Matos Soares.

Produtos recomendados:

Compartilhe este capítulo da bíblia: