Bíblia online

Liber Psalmorum, 35

¹ In finem. Servo Domini ipsi David.

² Dixit injustus ut delinquat in semetipso: non est timor Dei ante oculos ejus.

³ Quoniam dolose egit in conspectu ejus, ut inveniatur iniquitas ejus ad odium.

⁴ Verba oris ejus iniquitas, et dolus ; noluit intelligere ut bene ageret.

⁵ Iniquitatem meditatus est in cubili suo ; astitit omni viæ non bonæ: malitiam autem non odivit.

⁶ Domine, in cælo misericordia tua, et veritas tua usque ad nubes.

⁷ Justitia tua sicut montes Dei ; judicia tua abyssus multa. Homines et jumenta salvabis, Domine,

⁸ quemadmodum multiplicasti misericordiam tuam, Deus. Filii autem hominum in tegmine alarum tuarum sperabunt.

⁹ Inebriabuntur ab ubertate domus tuæ, et torrente voluptatis tuæ potabis eos:

¹⁰ quoniam apud te est fons vitæ, et in lumine tuo videbimus lumen.

¹¹ Prætende misericordiam tuam scientibus te, et justitiam tuam his qui recto sunt corde.

¹² Non veniat mihi pes superbiæ, et manus peccatoris non moveat me.

¹³ Ibi ceciderunt qui operantur iniquitatem ; expulsi sunt, nec potuerunt stare.

Notas:

Edição da bíblia em vulgata clementina produzida a partir de papiros, manuscritos e códices gregos antiquíssimos. Recomenda-se ler a tradução em português da vulgata pelo padre Matos Soares.

Produtos recomendados:

Compartilhe este capítulo da bíblia: