Bíblia online

Liber Psalmorum, 20

¹ In finem. Psalmus David.

² Domine, in virtute tua lætabitur rex, et super salutare tuum exsultabit vehementer.

³ Desiderium cordis ejus tribuisti ei, et voluntate labiorum ejus non fraudasti eum.

⁴ Quoniam prævenisti eum in benedictionibus dulcedinis ; posuisti in capite ejus coronam de lapide pretioso.

⁵ Vitam petiit a te, et tribuisti ei longitudinem dierum, in sæculum, et in sæculum sæculi.

⁶ Magna est gloria ejus in salutari tuo ; gloriam et magnum decorem impones super eum.

⁷ Quoniam dabis eum in benedictionem in sæculum sæculi ; lætificabis eum in gaudio cum vultu tuo.

⁸ Quoniam rex sperat in Domino, et in misericordia Altissimi non commovebitur.

⁹ Inveniatur manus tua omnibus inimicis tuis ; dextera tua inveniat omnes qui te oderunt.

¹⁰ Pones eos ut clibanum ignis in tempore vultus tui: Dominus in ira sua conturbabit eos, et devorabit eos ignis.

¹¹ Fructum eorum de terra perdes, et semen eorum a filiis hominum,

¹² quoniam declinaverunt in te mala ; cogitaverunt consilia quæ non potuerunt stabilire.

¹³ Quoniam pones eos dorsum ; in reliquiis tuis præparabis vultum eorum.

¹⁴ Exaltare, Domine, in virtute tua ; cantabimus et psallemus virtutes tuas.

Notas:

Edição da bíblia em vulgata clementina produzida a partir de papiros, manuscritos e códices gregos antiquíssimos. Recomenda-se ler a tradução em português da vulgata pelo padre Matos Soares.

Produtos recomendados:

Compartilhe este capítulo da bíblia: